Замын-Үүд боомтоор 405 кг гахайн мах оруулахаар завджээ

Монголын мэдээ | Хууль
bolor@montsame.mn
2020-01-14 08:50:47

Улаанбаатар /МОНЦАМЭ/. Замын-Үүд боомтоор Истана маркийн суудлын автомашинд гарал үүсэл нь тодорхойгүй, импортын гэрчилгээгүй 405 кг гахайн махыг нуун далдалж, улсын хилээр нэвтрүүлэхээр завдсаныг илрүүллээ хэмээн МХЕГ мэдээлэв.

Энэхүү хэргийг Хилийн Мэргэжлийн хяналтын албаны шалгалтаар илрүүлэн хуулийн дагуу арга хэмжээ тооцож бараа, бүтээгдэхүүнийг хураан авсан байна.

Мөн Улаанбаатар-Хөх хотын чиглэлийн олон улсын суудлын галт тэргээр Монгол Улсын соёлын өвд хамаарах, 1789-1855 онд зохиосон, уйгаржин бичгээр бичсэн 38 ширхэг түүхэн сурвалж бичгийг хууль бусаар хил давуулахыг завдсан байна. Уг үйлдэлд Зөрчлийн хэрэг нээж, гэмт хэргийн шинжтэй тул холбогдох байгууллагад шилжүүлжээ.


Холбоотой мэдээ