АИ-92 автобензиний 28 хоногийн нөөцтэй байна

МОНГОЛЫН МЭДЭЭ | УУЛ УУРХАЙ
oyundelger@montsame.gov.mn
2023-05-02 08:54:33

Улаанбаатар /МОНЦАМЭ/. Манай улс он гарснаас хойш 684.1 мян.тн газрын тосны бүтээгдэхүүн импортлоод байна. Үүнд А-80 автобензин 7.1 мян.тн, АИ-92 автобензин 199.7 мян.тн, АИ-95/98 автобензин 6.1 мян.тн, ДТ 390.6 мян.тн, онгоцны түлш 13.4 мян.тн, Жет А-1 14 мян.тн, бусад 53 мян.тн байв


Улсын хэмжээнд дөрөвдүгээр сарын 28-ны байдлаар 117,561 тн шатахууны нөөцтэй байгаагаас А-80 автобензин 4,551 тн буюу 27, АИ-92 автобензин 35,345 тн буюу 28, АИ-95 автобензин 3,575 тн буюу 27, дизель түлш 70,102 тн буюу 28 хоногийн, онгоцны түлшний 30 хоногийн нөөцтэй байна.  


Улаанбаатар хотод 62,826 тн шатахууны үлдэгдэлтэй байгаагаас А-80 автобензин 754 тн, АИ-92 автобензин 19,934 тн буюу 21, АИ-95 автобензин 2,230 тн буюу 31, дизель түлш 36,872 тн буюу 31 хоногийн хэвийн нөөцтэй байгааг УУХҮЯ мэдээллээ.  

Холбоотой мэдээ