Улаанбаатар
Хангарди цогцолбор автобусны зогсоолоор 134 тээврийн хэрэгсэл дамжин өнгөрч байна
МОНГОЛЫН МЭДЭЭ | НИЙГЭМ
Улаанбаатар, 2024 оны арваннэгдүгээр сарын 14 /МОНЦАМЭ/. Нийслэлийн Хангарди цогцолбор автобусны зогсоолоор дамжин 14 чиглэлийн 134 тээврийн хэрэгсэл хотын төв, баруун, зүүн чиглэлд нийтийн тээврийн үйлчилгээг хүргэж байна.
Нийслэлийн нутгийн захиргааны байгууллагууд Яармаг дахь нутгийн захиргааны цогцолбор барилгад байрлах болсонтой холбогдуулан албан хаагчдад нийтийн тээврийн үйлчилгээг ойртуулахаао дараах 3 чиглэлийг шинээр нээн 4 дүгээр сарын 20-ноос үйлчилгээнд явуулж эхэлсэн. Тодруулбал,
Ч:79 “ТаЧи - Гурвалжингийн гүүр - Хангарди
цогцолбор” чиглэлд
“Зорчигч тээвэр дөрөв” ОНӨААТҮГ ажлын өдөр 6, амралтын өдөр 5 тээврийн хэрэгслээр, өдөрт дунджаар 1500 зорчигч үйлчлүүлж байна.
Ч:80 “ХӨСҮТ - Үндэсний цэцэрлэгт хүрээлэн - Хангарди
цогцолбор” чиглэлд
“Зорчигч тээвэр дөрөв” ОНӨААТҮГ ажлын өдөр 6, амралтын өдөр 5 тээврийн хэрэгслээр, өдөрт дунджаар 1600 зорчигч
үйлчлүүлдэг.
Ч:81 “3,4-р хороолол - Нарны гүүр - Хангарди цогцолбор” чиглэлд
Зорчигч тээвэр дөрөв” ОНӨААТҮГ ажлын өдөр 6 тээврийн хэрэгслээр, амралтын өдөр 5 тээврийн хэрэгслээр, өдөрт дунджаар 1900 зорчигч үйлчлүүлдгийг НЗДТГ-ын ХМОНХХ мэдээллээ.
