Парламентыг тараах тухай зарлав

Дэлхийд | Улс төр
172@montsame.mn
2018-04-06 15:33:24
МОСКВА. /РИА Новости/.  Малайзийн Ерөнхий сайд Нажим Разак тус улсад болох бүх нийтийн сонгуулийн өмнө парламентыг тараах тухай зарлав гэж БЕРНАМА агентлаг мэдээлжээ.
 
РИА Новости агентлагийн мэдээлснээр, “Эзэн ван намайг хүлээн авч уулзаад дөрөвдүгээр сарын 7-ны бямба гарагт парламентыг тараах зөвшөөрлийг надад олгосныг нийт ард иргэддээ зарлаж байна” гэж Ерөнхий сайд мэдэгдсэн байна.
 
Малайзид парламентын ээлжит сонгууль явуулах тодорхой товыг хараахан тогтоогоогүй байгаа аж. Ажиглагчдын үзэж байгаагаар, сонгууль дөрөвдүгээр сарын сүүлээр юм уу тавдугаар сарын эхээр болж магадгүй учир нь Малайзийн Үндсэн хуулийн дагуу парламентын сонгуулийг зургадугаар сараас өмнө явуулах ёстой ажээ.  
 
Лу.Батбаяр

Холбоотой мэдээ