Дорноговь аймгийн сумдын наадам эхэллээ
ОРОН НУТГИЙН МЭДЭЭ | ДОРНОГОВЬДолдугаар сарын 15-наас эхлэн Дорноговь аймгийн Хатанбулаг, Хөвсгөл, Дэлгэрэх, Мандах зэрэг цөөнгүй сумын наадам эхэллээ.
Тус аймгийн Засаг даргын гаргасан захирамжийн дагуу дээрх сумдын наадмыг 7 дугаар сарын 15-25-ны хооронд зохион байгуулах хуваарь гарсан билээ.
Говийн хутагтуудын өлгий нутаг гэгддэг тус аймагт энэ жил хур бороо ихтэй дэлгэр сайхан зун болж байна.
Сумдын наадамд 32-64 хүчит бөх барилдаж, 6 насны морьд уралдаж буй бөгөөд Улаанбадрах, Сайхандулаан, Өргөн, Эрдэнэ зэрэг сумаас гадна хөрш Дундговь, Өмнөговь аймгийн зарим сумаас наадамчид ирж оролцож байгаа аж.
Х.Эрдэнэбулган