Мьянмар улс гурван жилийн дотор цагаан будааны экспортоо хоёр дахин нэмэгдүүлэхээр төлөвлөж байна

ДЭЛХИЙН МЭДЭЭ | ЭДИЙН ЗАСАГ
ankhbayar.abr@yahoo.com
2022-07-06 17:09:23

НЕЙПИДО. /Bloomberg/. Мяньмар улс гурван жилийн дотор цагаан будааны экспортоо хоёр дахин нэмэгдүүлэх зорилт тавьсан ба илүү чанартай сортуудад анхаарлаа хандуулна хэмээн тус улсын Цагаан будааны нийгэмлэгийн дарга мэдэгджээ.


Тодруулбал, тус нийгэмлэгийн дарга Йе Мин Аун хэлэхдээ, БНХАУ, Европ, Филиппин зэрэг ЗӨА-ийн орнуудын цагаан будааны эрэлт нэмэгдэж байгаа тул Мяньмар улс 2025 он гэхэд одоогийн 2 сая тонн будааны экспортыг жилийн 4 саяд хүргэхээр төлөвлөж байна гэв.


Тэр үед цагаан будааны орлого хоёр дахин нэмэгдэж 1.5 тэрбум ам.доллар болж өсөх төлөвтэй байгаа юм.

Цагаан будаа нь тус улсын хөдөө аж ахуйн хамгийн том экспортын бүтээгдэхүүн юм.


Улаан буудай, эрдэнэ шиш, тос зэрэг бусад түүхий эдийн хомсдол энэ онд дэлхийн хүнсний бүтээгдэхүүний үнийг дээд хэмжээнд хүргэсэн.


Гэсэн хэдий ч Азийн цагаан будааны үнэ доогуур буюу өнгөрсөн таван жилийн дундажтай ойролцоо байна.


НҮБ-ын Хүнс, хөдөө аж ахуйн байгууллага саяхан гаргасан тайландаа Мяньмар улсын 55 сая хүн амын ойролцоогоор 25 орчим хувь нь дунд болон хүнд хэлбэрийн хүнсний аюулгүй байдлын хямралтай тулгарч байна гэжээ.  

Related news