Ипотекийн зээлд зургаан иргэн хамрагджээ
ОРОН НУТГИЙН МЭДЭЭ | ӨМНӨГОВЬӨмнөговь /МОНЦАМЭ/ Өмнөговь аймаг дахь Монголбанкны мэдээлж байгаагаар энэ оны хоёрдугаар сард ипотекийн зээлд зургаан иргэн хамрагджээ.
Тухайн зээлд ийнхүү зургаан иргэн хамрагдсанаар ипотекийн зээлд хамрагдсан нийт зээлдэгчийн тоо 1,250-д хүрсэн байна. Иргэдэд 339.7 сая төгрөгийн зээл олгосон ба үүнээс 21.2 хувийг банкны
өөрийн эх үүсвэр, 78.8 хувийг "Орон сууцны ипотекийн санхүүжилтийн тогтвортой тогтолцоог бүрдүүлэх хөтөлбөр"-ийн эх үүсвэрээр тус тус олгосон ажээ.
Ипотекийн зээлийн нийт үлдэгдэл 45,109.4 сая төгрөгт хүрсэн ба үүнээс 35,674.3 сая төгрөгийг "Орон сууцны ипотекийн санхүүжилтийн тогтвортой тогтолцоог бүрдүүлэх хөтөлбөр"-ийн зээл байна. Нэг зээлдэгчид тухайн сард дунджаар 56.6 сая төгрөгийн зээл олгосон аж. Ипотекийн зээлийн үлдэгдэлд эзлэх хугацаа хэтэрсэн зээл 1.88 хувь, чанаргүй зээл 1.89 хувьтай байна.
Д.Мишигсүрэн