Ulaanbaatar
Залуучуудын дэлхийн аваргын төлөө АНУ, Финландын хоккейчид тунажээ
ДЭЛХИЙН МЭДЭЭ | СПОРТ
ОТТАВА, 2025 оны нэгдүгээр сарын
5. /ТАСС/. АНУ-ын хоккейн шигшээ баг 20-иос доош насны залуучуудын ДАШТ-ий
хагас шигшээ тоглолтод Чехийн багийг 4:1 харьцаагаар хожсоноор финалд
шалгарлаа.
Тус тэмцээн Канадын Оттава хотод
болж байгаа юм.
Дээрх тоглолтод Америкийн багийн Гэйб
Перро (4 дэх минут), Коул Айзерман (34), Райан Леонард (56), Оливер Мур (59) нар, мөн Чехийн багийн Якуб Штанцл (10) гоол оруулсан байна.
Одоо финалд америкчуудтай тоглох Финландын
баг хагас шигшээ тоглолтын нэмэлт цагт Шведийн залуучуудын шигшээг 4:3-аар
хожсон байна. Аваргын төлөөх тоглолт даваа гаргийн өглөө Москвагийн цагаар 3:30
цагт, хүрэл медалийн төлөөх Швед-Чехийн багуудын тоглолт ням гаргийн 23:30 цагт
эхэлнэ.
Одоогийн дэлхийн аварга АНУ-ын
баг өнгөрсөн оны финалын тоглолтод Шведийг 6:2-оор буулган авч байв. Америкийн
залуучуудын шигшээ баг нийтдээ 6 удаа ДАШТ-нд түрүүлсэн бол финландчууд 5 удаагийн
дэлхийн аварга бөгөөд хамгийн сүүлд 2019 онд Америкийн багийг 3:2-оор ялсан байна.
Олон улсын хоккейн холбооны
шийдвэрээр ОХУ ба Беларусийн
багууд 2022 оны хоёрдугаар сараас хойш олон улсын тэмцээнүүдэд оролцохгүй байгаа
юм.
