Ulaanbaatar
Цуглуулагч Р.Отгонбаатарын “Монгол ном бичгийн соёл” үзэсгэлэн гарч байна
МОНГОЛЫН МЭДЭЭ | УЛС ТӨР
Улаанбаатар, 2025 оны есдүгээр сарын 18 /МОНЦАМЭ/. Цуглуулагч Р.Отгонбаатарын “Монгол ном бичгийн соёл” үзэсгэлэн Чингис хаан Үндэсний музейд гарч байна.
Үзэсгэлэнд монголчуудын 1000-аад жилийн бичиг номын үлгэр жишээ болохуйц зурагт ном, судрыг зонхилон дэлгэжээ. Цуглуулагч Р.Отгонбаатар сонирхлынхоо дагуу оюутан цагаасаа эхлэн монгол бичгийн хэрэгсэл, ховор ном судрын үнэт өвүүдийг цуглуулсаар эх орондоо болон ОХУ, БНПУ, Франц, Румын зэрэг улсад үзэсгэлэнгээ гаргаж, монгол өв соёлоо сурталчилж байв. Тус үзэсгэлэнгийн нээлтийн үеэр Хэл бичгийн ухааны доктор Х.Лувсанбалданы мэндэлсний 100 жил, Хэл зохиолын хүрээлэнгийн хүндэт доктор Р.Отгонбаатарын 70 насны ойд зориулсан “Хэл зохиол судлал 2025” олон улсын эрдэм шинжилгээний хурлыг зохион байгуулав.
Үзэсгэлэн энэ сарын 27-ны өдрийг хүртэл үргэлжилнэ.
