Ачаалж байна…
Ачаалж байна…
Bulgan Erdene

Сайншанд, 2026 оны арваннэгдүгээр сарын 20 /МОНЦАМЭ/. Эдийн засгийн бодлого, өрсөлдөх чадварын судалгааны төв (ЭЗБӨЧСТ)-өөс “Аймгуудын өрсөлдөх чадварын тайлан 2026”-г танилцууллаа. Аймгуудыг эдийн засгийн тамир тэнхээ, засаглалын үр ашиг, бизнесийн үр ашиг, дэд бүтэц гэсэн дөрвөн бүлгээр үнэлэхэд ерөнхий дүнгээр Дархан-Уул аймаг тэргүүлж, Дорноговь аймаг удаалж, Орхон аймаг гуравдугаар байрт эрэмбэлэгджээ.
Тус аймаг 2023 онд хоёрдугаар байрт эрэмбэлэгдсэн байр сууриа энэ удаа хадгалжээ. Тухайлбал, эдийн засгийн тамир тэнхээгээр 96.04 оноогоор хоёрдугаар байрт, засаглалын үр ашгаар 100 оноогоор нэгдүгээрт, бизнесийн үр ашгаар 91.73 оноогоор гуравдугаарт, дэд бүтцээр 68.56 оноогоор тавдугаарт тус тус эрэмбэлэгдсэн байна. Аймгийн эдийн засгийн хэмжээ, салбаруудын хөгжил, хүн амын амьжиргаа, хөдөлмөр эрхлэлтийн үзүүлэлтээр Өмнөговь аймгийн ард 96.0 оноогоор хоёрдугаарт бичигджээ. Эдийн засгийн олон үзүүлэлтээс нэг жишээ дурдахад тус аймгийн аж үйлдвэрийн салбарын нийт үйлдвэрлэл 2025 оны аравдугаар сард 360.3 тэрбум байсан бол жилийн дараа буюу өнөөдөр 351.1 тэрбум болон өссөн байна.
Дорноговь аймагт уул уурхайн баяжуулах үйлдвэрүүд олон ажиллаж байгаа юм. Харин засаглалын үр ашгийн хувьд төсвийн удирдлага, институцийн тогтолцоо, бизнесийн эрх зүй болон нийгмийн тогтолцооны үзүүлэлтүүдээр тэргүүлсэн аж. Харин Дорноговь аймаг 2021, 2022 онд дэд бүтцийн хөгжлөөр улсад тэргүүлж байсан ч 2026 оны тайлангаар Орхон, Дархан-Уул, Дорнод аймгийн дараа бичигджээ. Дэд бүтцийн бүлгийн үнэлгээ дотор зам, тээвэр, эрчим хүч, технологийн дэд бүтэц буюу харилцаа холбоо, интернэт, боловсрол соёл, эрүүл мэнд болон хүрээлэн буй орчны үзүүлэлтүүд багтдаг байна.