Улаанбаатар
Месут Озил Германы шигшээ багт ахин тоглохгүй хэмээн мэдэгджээ
ДЭЛХИЙН МЭДЭЭ | СПОРТ
БЕРЛИН. /Эн-Эйч-Кэй/. Хөл бөмбөгийн тамирчин Месут Озил арьсны өнгөөр ялгаварлан гадуурхах үзлийн улмаас Германы шигшээ багт ахин тоглохгүй хэмээн мэдэгдсэнийг телевизийн “Эн-Эйч-Кэй” суваг уламжлав.
М.Озил нь Германд шилжин суурьшсан Турк цагаачийн гэр бүлд төрж өссөн билээ. Тэрбээр 2014 онд болсон хөл бөмбөгийн ДАШТ-д тус улсын шигшээ багийг түрүүлэхэд ихээхэн үүрэг гүйцэтгэсэн бөгөөд саяхан ОХУ-д болж өнгөрсөн тэмцээнд Германы шигшээ багт мөн тоглосон билээ.
Гэсэн хэдий ч өнгөрсөн тавдугаар сард Туркийн Ерөнхийлөгч Режеп Тайип Эрдогантай хамт авхуулсан зураг нь түүнийг олон нийтийн шүүмжлэлд өртөхөд хүргэсэн ажээ. Р.Т.Эрдоганы улс орноо удирдах дэглэмийг германчууд шүүмжилдэг бөгөөд түүнийг дахин сонгуульд дэвших кампанит ажлын үеэр уг зургийг авхуулсан юм байна.
Өнгөрсөн ням гарагт М.Озил дээрх зургийн талаар тайлбар хийхдээ “Энэ зураг нь улс төр болон сонгуультай ямар ч холбоогүй бөгөөд төрөлх улсынхаа өндөр албан тушаал бүхий хүнийг хүндэтгэн хамт зураг авхуулсан төдий юм” гэж хэлэв.
Түүний мэдээлснээр, Германы шигшээ баг ДАШТ-ий хасагдах шатны тоглолтод багтаж чадаагүй үеэс эхлэн түүнийг Туркийн цагаач хэмээн арьсны өнгөөр ялгаварлан гадуурхаж эхэлсэн байна. Тэрбээр, “Герман ялахад би Герман хүн, харин ялагдахад цагаач болж хувирлаа” гэж хэлэв. Мөн Германы шигшээ багийг ивээн тэтгэдэг компани дэлхийн аваргад зориулсан сурталчилгааны ажлаас түүнийг хассан талаар тэрбээр мөн дурджээ.
М.Озил нь Германд шилжин суурьшсан Турк цагаачийн гэр бүлд төрж өссөн билээ. Тэрбээр 2014 онд болсон хөл бөмбөгийн ДАШТ-д тус улсын шигшээ багийг түрүүлэхэд ихээхэн үүрэг гүйцэтгэсэн бөгөөд саяхан ОХУ-д болж өнгөрсөн тэмцээнд Германы шигшээ багт мөн тоглосон билээ.
Гэсэн хэдий ч өнгөрсөн тавдугаар сард Туркийн Ерөнхийлөгч Режеп Тайип Эрдогантай хамт авхуулсан зураг нь түүнийг олон нийтийн шүүмжлэлд өртөхөд хүргэсэн ажээ. Р.Т.Эрдоганы улс орноо удирдах дэглэмийг германчууд шүүмжилдэг бөгөөд түүнийг дахин сонгуульд дэвших кампанит ажлын үеэр уг зургийг авхуулсан юм байна.
Өнгөрсөн ням гарагт М.Озил дээрх зургийн талаар тайлбар хийхдээ “Энэ зураг нь улс төр болон сонгуультай ямар ч холбоогүй бөгөөд төрөлх улсынхаа өндөр албан тушаал бүхий хүнийг хүндэтгэн хамт зураг авхуулсан төдий юм” гэж хэлэв.
Түүний мэдээлснээр, Германы шигшээ баг ДАШТ-ий хасагдах шатны тоглолтод багтаж чадаагүй үеэс эхлэн түүнийг Туркийн цагаач хэмээн арьсны өнгөөр ялгаварлан гадуурхаж эхэлсэн байна. Тэрбээр, “Герман ялахад би Герман хүн, харин ялагдахад цагаач болж хувирлаа” гэж хэлэв. Мөн Германы шигшээ багийг ивээн тэтгэдэг компани дэлхийн аваргад зориулсан сурталчилгааны ажлаас түүнийг хассан талаар тэрбээр мөн дурджээ.
Э.Хулан
