Ulaanbaatar
Сүхбаатарчууд тайван жагсаал хийлээ
ОРОН НУТГИЙН МЭДЭЭ | СҮХБААТАРСүхбаатар аймггийн төвд их жанжин Сүхбаатарын талбайд өнөөдөр тайван жагсаал боллоо.
Сүхбаатар аймгийн МАН-ын хорооны дэргэдэх НАМЗХ, НАМОХ, НАМЭХ болон Эрдэнэцагаан сумын МАН-ын хамтарсан жагсаалыг намын гишүүд дэмжигчид болон ард иргэдийн хамтаар зохион байгуулж Сүхбаатар аймгийн засаг дарга Ж.Батсуурь, ИТХ-ын дарга П.Мөнхжаргал нарт шаардах бичиг хүргүүлжээ. Шалтаан нь өнгөрсөн удаагийн орон нутгийн сонгуулиар Эрдэнэцагаан суманд МАН илт ялалт байгуулсан ч аймгийн удирдлагууд уг ажилд хөндлөнгөөс оролцож ялалт байгуулсан нэр дэвшигчийг ИТХ-ын даргаар батлахаас татгалзаж, өмнөх дарга нь тамга тэмдгээ авч зугтаасан байдаг. Ийм байдалтай дөрвөн жилийг Эрдэнэцагаанчууд үзэж, ИТХ-ын тамгагүй даргатай байсан юм. Энэ асуудлаар тэд бүх шатны шүүхээр явж ялалт байгуулсан ч аймаг орон нутгийн удирдлагууд шүүхийн шийдвэрийг үл гүйцэтгэжээ. Тиймээс МАН-ын дэргэдэх ТББ-ууд ийнхүү жагсахад хүрсэн байна.
Энэ өдөр Сүхбаатар аймгийн ИТХ-ын ээлжит хуралдаан болж байсан бөгөөд тэд хуралдаан дундуур орж улирдлагуудад шаардах бичгээ уншиж танилцуулан гардуулсан боловч тэдэнд элдэв үгээр доромжлуулан хурлын танхимаас хөөгдөн гарчээ. Гэсэн хэдий ч жагсаалыг зохион байгуулагчид шаардах бичгээ үлдээгээд гарсан байна. Хариугаа мөн бичгээр авахаа илэрхийлжээ.
Т. Одончимэг
