Европа лигийн сугалаа боллоо
ДЭЛХИЙН МЭДЭЭ | СПОРТНЬОН, 2024 оны гуравдугаар сарын 16 /Eurosport/. Европын хөл бөмбөгийн холбооны /УЕФА/ Европа лигийн шөвгийн найм,
хагас шигшээ тоглолтуудын сугалаа Швейцарын Ньон хотноо баасан гарагт боллоо.
Шөвгийн наймын эхний тоглолтод “Милан” клуб өөрийн талбайдаа ромачуудтай тоглохоор
болсон бол “Ливерпүүл”-“Аталанта”-гийн тоглолт “Энфилд” цэнгэлдэх хүрээлэнд
болно. Харин “Байер Леверкузен” клуб талбай дээрээ “Вест Хэм”-ийнхний эсрэг тоглох
бол марсельчууд “Бенфика”-гийн талбайд зочилно.
Дөрөвдүгээр сарын 11-нд шөвгийн наймын эхний тоглолтууд болох бол хариу тоглолтууд долоо хоногийн дараа буюу 18-нд болно. Харин хагас шигшээгийн эхний тоглолтууд тавдугаар сарын 2-нд, хариу тоглолтууд 9-нд болно. Тийнхүү тэмцээний аварга тавдугаар сарын 22-нд “Авива” цэнгэлдэх хүрээлэн буюу “Дублин Арена”-д тодрох ажээ.
Шөвгийн наймын сугалаа
Милан - Рома
Ливерпүүл - Аталанта
Байер Леверкузен - Вест Хэм
Марсель - Бенфика
Хагас шигшээгийн сугалаа
Бенфика/Марсель - Ливерпүүл/Аталанта
Милан/Рома - Байер Леверкузен/Вест Хэм