Ulaanbaatar
АНУ-ын нээлттэй тэмцээн маргааш эхэлнэ
ДЭЛХИЙН МЭДЭЭ | СПОРТ
ВАШИНГТОН, 2024 оны наймдугаар сарын 25 /Anadolu/. Энэ оны Их дуулгын сүүлчийн тэмцээн болох 2024 оны АНУ-ын нээлттэй тэмцээн даваа гарагт эхлэх гэж байна.
Тэмцээн Нью-Йорк хот дахь Билли Жин
Кингийн нэрэмжит Үндэсний теннисний төвд есдүгээр сарын 8-ныг дуустал үргэлжилнэ.
Энэ удаагийн тэмцээний шагналын санг 75
сая доллароор тогтоосон нь өмнөх жилийнхээс /65 сая доллар/ 15.38 хувиар өссөн байна. Эмэгтэй,
эрэгтэй ганцаарчилсан төрлийн аваргууд тус бүр 3.6 сая ам.долларын шагнал
хүртэнэ.
АНУ-ын нээлттэй тэмцээнд дөрвөн
удаа түрүүлсэн Новак Жокович 2024 оны сүүлчийн Их дуулгад түрүүлэх магадлал
өндөр байна. Өдгөө 37 настай Сербийн алдарт теннисчин 2011, 2015, 2018, 2023
онуудад аваргалж байлаа.
Н.Жокович өнгөрсөн жилийн тэмцээний
финалд Оросын теннисчин Даниил Медведевийг хожсоноор АНУ-ын нээлттэй тэмцээний
эрэгтэй ганцаарчилсан төрөлд түрүүлсэн хамгийн ахимаг настай тамирчин болсон
юм.
Эмэгтэйчүүдийн ганцаарчилсан төрөлд
өнгөрсөн жилийн аварга, Америкийн теннисчин Коко Гауфф аваргын цомоо
хамгаалахын төлөө өрсөлдөнө. Өдгөө 19 настай К.Гауфф 2023 оны АНУ-ын нээлттэй
тэмцээнд түрүүлснээр 1999 онд Серена Уильямс 17 настайдаа аваргын цомыг
өргөснөөс хойш Америкийн томоохон тэмцээнд түрүүлсэн хамгийн залуу аварга болж
байлаа.
