Ulaanbaatar
Олон улсын мастеруудын анхдугаар наадмын нээлт болов
МОНГОЛЫН МЭДЭЭ | СПОРТ
Өнөөдөр Спортын төв ордны А танхимд олон улсын мастеруудын анхдугаар наадмын албан ёсны нээлтийн ёслол болов.
Анхдугаар наадмын хүндтэй зочид, төлөөлөгчдөөр дэлхийн мастеруудын холбоо /MGA/-ны ерөнхийлөгч, ноён Кай Холм тэргүүтэй олон улсын төлөөлөгчид манай улсад айлчилж байгаа юм. Нээлтийн ёслолын үеэр ахмадын ДАШТ-ээс олон удаа алт, мөнгөн медаль хүртсэн алдартай ахмад мастеруудад хүндэтгэл үзүүлж, шагнаж урамшуулав.
Энэхүү наадмыг ЭМСЯ, БТСХТ, Монголын спорт сонирхогч, мастеруудын холбоотой хамтран энэ сарын 11-13-нд зохион байгуулж байгаа юм. Тус наадамд ОХУ-аас 25, БНХАУ-аас 30, Францаас 1, Японоос 3, Лаос улсаас 2, БНСУ-аас 5, Германаас 1 нийт гадаадын 72 Монголын 330 тамирчин ирсэн байна. Тэд спортын 6 төрлөөр өрсөлдөж шилгүүдээ тодруулна.
Тус наадмын хөтөлбөрт багтсан хөлбөмбөгийн болон ширээний теннис, талбайн теннис, шатрын тэмцээн энэ сарын 11, 12-нд, кросс, гүйлтийн тэмцээн 12-нд граунд гольфын тэмцээн 13-ны өдөр “Хасу мегаватт” компанийн “Эко спорт” цогцолборт зохион байгуулж байна. Спортын зургаан төрлөөр ахмад мастерууд 40-49 нас, 50-иас дээш насныхан гэсэн ангиллаар өрсөлдөнө.
Д.Өлзий
コメント