Ulaanbaatar
Ихэнх нутгаар бага зэрэг дулаарна
МОНГОЛЫН МЭДЭЭ | БАЙГАЛЬ ОРЧИН
Улаанбаатар /МОНЦАМЭ/. Баруун аймгуудын нутгаар маргааш цас орж, ихэнх нутгаар бага зэрэг дулаарна гэж Цаг уур, орчны шинжилгээний газар мэдээллээ.
2020 оны 10 дугаар
сарын 15-19-нийг хүртэлх цаг агаарын урьдчилсан төлөв танилцуулж байна. Энэ
сарын 15-нд говь болон зүүн аймгуудын нутгийн зарим газраар, 16-нд баруун болон
төвийн аймгуудын нутгийн хойд хэсгээр, 17-нд төв болон зүүн аймгуудын нутгийн
зарим газраар, 18-нд зүүн аймгуудын нутгийн зүүн хэсгээр ялимгүй хур тунадас
орно. Салхи ихэнх хугацаанд секундэд 7-12 метр, 18-нд говь, талын нутгаар
секундэд 15-17 метр хүрч ширүүснэ. Алтай, Хангай, Хөвсгөл, Хэнтэйн уулархаг
нутаг, Завхан голын эх, Хүрэнбэлчир орчим, Идэр, Тэс, Туул, Тэрэлж голын
хөндийгөөр шөнөдөө 11-16 градус хүйтэн, өдөртөө 1 градус хүйтнээс 4 градус
дулаан, говийн бүс нутгийн өмнөд хэсгээр шөнөдөө 2 градус хүйтнээс 3 градус
дулаан, өдөртөө 10-15 градус дулаан, бусад нутгаар шөнөдөө 4-9 градус хүйтэн,
өдөртөө 4-9 градус дулаан байна.
