Ulaanbaatar
16 настай вундеркинд Л.Ямаль гоол оруулснаар Испанийн баг хожлоо
ДЭЛХИЙН МЭДЭЭ | СПОРТ
ЛИМАССОЛ, 2023 оны арваннэгдүгээр
сарын 17 /ВВС/. Хамгийн залуу хөлбөмбөгчин Ламин Ямаль хоёр дахь
гоолоо оруулснаар Испанийн хөлбөмбөгчид 3:1-ийн харьцаагаар Киприйн
багийг буулган авлаа.
ЕВРО-2024 тэмцээний урьдчилсан шатны есдүгээр сард болсон тоглолтод испаничууд Гүржийн багийг 7:1-ээр хожиход "Барселона"-гийн 16 настай Л.Ямаль мэргэн буучаар шалгарч байсан билээ.
Тэрбээр Лимассол
хотноо пүрэв гарагт болсон Киприйн багийн эсрэг тоглолтод 22 удаа дамжуулалт
хийсэн ба 7 дахь минутад эхний
гоолыг оруулжээ.
Удаах гоолуудыг
Испанийн шигшээ багийн Микел Оярзабал (22 дахь минутад),
Хоселу (27 дахь минут) Киприйн хөлбөмбөгч Костас Пилеас (75 дахь минут) нар оруулжээ.
А хэсгийг Испанийн баг 18 оноогоор тэргүүлж байгаа бөгөөд ням гарагт Гүржийн багтай тоглоно.
Шотландын хөлбөмбөгчид 16 оноогоор хэсгийн хоёрдугаарт бичигдэж, Норвег /10 оноо/, Гүрж /8/, Кипр /0/ удаалж байна.
