Улаанбаатар
Энэ сарын сүүлийн өдрүүд дулаахан байна
ОРОН НУТГИЙН МЭДЭЭ | УВС
Увс /МОНЦАМЭ/. Энэ сарын сүүлийн
өдрүүдэд уулархаг
нутгаар 14-19 градус, бусад нутгаар 8-13 градус хүйтэн буюу ихэнхи нутгаар уур
амьсгалын дунджаас 0.5-1.0 градусаар дулаан байх төлөвтэй байна. Харин ирэх сарын
нэгдүгээр арав хоногийн
эхээр Увс нуур, Тэс голын хөндийгөөр шөнөдөө 21-26 градус, өдөртөө 4-9 градус
хүйтэн, бусад нутгаар шөнөдөө 8-13 градус хүйтэн, өдөртөө 3-8 дулаан байх төлөвтэй байна.
“Нэгдүгээр арав хоногийн дунд үе, хоёрдугаар арав хоногийн эхэн болон сүүлчээр Увс нуур, Тэс голын хөндийгөөр шөнөдөө 25-30 градус, өдөртөө 11-16 градус хүйтэн, бусад нутгаар шөнөдөө 15-20 градус, өдөртөө 3-8 градус хүйтэн байна. Гуравдугаар арав хоногийн дунд үеэс хүйтэрч Увс нуур, Тэс голын хөндийгөөр шөнөдөө 30-35 градус, өдөртөө 18-23 градус хүйтэн, бусад нутгаар шөнөдөө 19-24 градус, өдөртөө 8-13 градус хүйтэн байна” хэмээн Увс аймгийн Цаг уур, орчны шинжилгээний төвөөс мэдээллээ.
Б.Батхүү
