М.Чавушоглу: “С-400” пуужингийн систем НАТО-д ямар ч асуудалгүй
ДЭЛХИЙН МЭДЭЭ | УЛС ТӨРАНКАРА. /Anadolu/. ОХУ-ын “С-400” пуужингийн систем НАТО-д ямар ч асуудал үүсгэхгүй гэж Туркийн Гадаад хэргийн сайд Мевлют Чавушоглу мягмар гарагт мэдэгджээ.
“Бид НАТО-той ямар ч асуудалгүй. Пуужингийн систем НАТО-д ямар ч асуудалгүй гэдэг нь НАТО-гийн Ерөнхий нарийн бичгийн дарга мэдэгдлээс тодорхой харагдаж байна” гэж тэрбээр Тайландад болж буй Зүүн Өмнөд Азийн улсуудын холбооны /АСЕАН/ 52 дугаар уулзалтын үеэр мэдэгдсэн байна.
“Турк НАТО-гийн үйл ажиллагаанд олон талаар хувь нэмэр оруулж байгаа. Пуужингийн асуудлыг НАТО-гийн дээд хэмжээний уулзалтын үеэр сөхөж байгаагүй" гэж М.Чавушоглу мэдэгдээд, “С-400” пуужингийн систем Турк-НАТО-гийн харилцааны асуудал гэхээсээ илүүтэй Турк-АНУ-ын харилцааны асуудал болоод байгааг цохон дурдсан байна.
ОХУ-ын "С-400" системийг Турк худалдан авах болсноор тус улс болон АНУ-ын хооронд маргаан үүсэж, үүнтэй холбоотойгоор АНУ Турктэй байгуулсан "F-35" сөнөөгч онгоц худалдах гэрээг цуцална гэж сүрдүүлжээ.
НАТО-гийн Ерөнхий нарийн бичгийн дарга Йенс Столтенберг энэ асуудлаар санал бодлоо илэрхийлэхдээ, "Турк ямар шийдвэр гаргах нь тэдний асуудал" гэж хэлсэн байна.