Улаанбаатар
Сагил суманд 4 магнитудын хүчтэй газар хөдөлжээ
ОРОН НУТГИЙН МЭДЭЭ | УВС
Увс /МОНЦАМЭ/. Тус аймгийн Сагил сумаас баруун урд зүгт 64 км-т энэ
сарын 12-ны өдөр орон нутгийн 1 цаг 25 минут 45 секундэд 4 магнитудын хүчтэй газар хөдөлсөн байна. Тухайн
газар нь ОХУ-ын хилийн ойролцоо оршдог, хүн малгүй зэлүүд газар тул малчид, иргэдэд
ямар нэгэн гарз хохирол учраагүй байна.
Он гарсаар Увс аймагт 4 удаагийн газар хөдлөлт
бүртгэгдээд байгаа аж. Энэ талаар Одон орон, геологийн хүрээлэнгийн Улаангом
салбарын мэргэжилтэн Г.Болор-Эрдэнээс тодрууллаа.
“Он гарсаар 1-р сарын 26-нд Завхан сумаас баруун хойд зүгт
29 км-т 4 магнитудын, мөн 1-р сарын 29-нд
Цагаанхайрхан сумаас зүүн урагшаа 16 км-т 3,9 магнитудын, үүний дараагаар 4-р сарын 26-нд Тариалан суманд 3,9 магнитудын
хүчтэй газар хөдлөлт бүртгэгдсэн. Эдгээр газар хөдлөлтийн улмаас малчид, ард
иргэдэд ямар нэгэн хохирол учраагүй бөгөөд газар хөдлөлтийн чичиргээ дээрх сумын
иргэдэд төдийлөн хүчтэй мэдрэгдээгүй” гэлээ.
