Коронавирусээр халдварласан 30 хүн эмчлүүлж байна
МОНГОЛЫН МЭДЭЭ | ЭРҮҮЛ МЭНДУлаанбаатар /МОНЦАМЭ/. ХӨСҮТ-д 67 хүн эмчилгээ, тандалт ажиглалтад байгаа бөгөөд өчигдөр 328 хүнд шинжилгээ хийхэд коронавирус илрээгүй хэмээн ХӨСҮТ-ийн захирал Д.Нямхүү мэдээллээ.
Өнөөдрийн байдлаар, манай улсад коронавирусний халдварын 227 тохиолдол бүртгэгдэж, 197 эдгэрлээ. ХӨСҮТ-д хэвтэн эмчлүүлж буй 27 өвчтөний биеийн байдал хөнгөн, 3 хүн хүндэвтэр байна.
Улсын хэмжээнд гурван лабораторид
өчигдөр 328 нийт сорьцод шинжилгээ хийхэд
коронавирус илрээгүй байна. Үүнд, ХӨСҮТ-д тусгаарлан ажиглаж
байсан 3 хүн, ажиглах байранд
тусгаарлагдсан 261 иргэн, давтан шинжилгээнд хамрагдсан 29 хүн, тандалтын зорилгоор цуглуулсан
9 сорьц, Алтанбулаг
булгийн боомтоор нэвтэрсэн ачаа тээврийн 25 жолооч, Сэлэнгэ аймагт тусгаарлагдсан
нэг иргэний шинжилгээний хариу багтаж байна.
Түүнчлэн Истанбул-Улаанбаатарын чиглэлийн тусгай онгоцоор өчигдөр шөнө ирсэн 42 настай эмэгтэй агаарын хөлөгт амаржин хоёр ихэр охин төрүүлжээ. Эх, хүүхдийн хамт ХӨСҮТ-д тусгаарлагдаж байгаа аж.
И.Даваадорж