Коронавирус улирлын чанартай халдварт өвчин болж магадгүй

Дэлхийд | Эрүүл мэнд
ayanzaya@montsame.gov.mn
2020-09-29 11:40:39

МОСКВА. /TASS/. Коронавирус улирлын чанартай халдварт өвчин болж магадгүйг Дэлхийн эрүүл мэндийн байгууллагын Европын бүсийн товчооны захирал Ханс Клюге үгүйсгэсэнгүй.


“Хэзээ гэдгийг нь мэдэхгүй ч ийм болох боломжтой. Нөхцөл байдал сайнаар эргэнэ гэж найдаж байгаа ч муугаар эргэхэд бэлтгэлтэй байгаа” хэмээн тэрбээр хэлжээ.


Түүнчлэн коронавирусний гарал үүсэл байгалийнх юмуу зохиомол гэдгийг батлах мэдээлэл ДЭМБ-д хараахан байхгүй гэдгийг Ханс Клюге мэдэгдэхийн сацуу вирусний гарал үүслийг Хятадын шинжээчид судалж байгаа гэдгийг цохон тэмдэглэв. 


Хятадад 2019 оны сүүлчээр коронавирусний халдварт өвчин дэгдэж, 3 дугаар сарын 11-нд ДЭМБ коронавирусийг цар тахал хэмээн зарласан юм. 

Холбоотой мэдээ