Дараагийн ээлжинд 15 мянган хүн тун вакцин татан авна

Орон нутагт | Ховд
lkhagwa@montsame.gov.mn
2021-05-11 12:17:40

Ховд /МОНЦАМЭ/. Ховд аймаг өнгөрсөн хугацаанд дөрвөн удаагийн тээвэрлэлтээр нийт 39099 хүн тун вакцин татан авсан байна. Үүнээс эхний тунд 28636, 5463 иргэн бүрэн тунд хамрагджээ.

Мөн аймгийн Онцгой комиссоос коронавирусний халдварын тохиолдол хамгийн их гарсан Жаргалант сумын иргэдийг эхний ээлжинд вакцинжуулалтад бүрэн хамруулах зорилт тавьсан.

Жаргалант сумын хэмжээнд 18-аас дээш насны нийт 19160 иргэн вакцинжуулалтад хамрагдах ёстойгоос өнөөдрийн байдлаар 16205 эхний тунг хийлгэжээ.

Дараагийн ээлжинд буюу ойрын өдрүүдэд нийт 15 мянган хүн тун вакцин татан авч, хөдөөгийн сумдад хуваарилахаар төлөвлөж байна гэж албаныхан мэдээллээ.   

Холбоотой мэдээ