Улаанбаатар
Хүүхдийн мөнгийг барьцаалан зээл олгохыг хориглоод байна
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. Хүүхдийн мөнгөн тэтгэмжийн энэ сарын олголтыг 20-нд хийх талаар ХНХЯ-наас мэдээллээ. Энэ талаар ХНХ-ийн сайд А.Ариунзаяа хэлэхдээ, “Хүүхдийн мөнгийг журмын дагуу олгодог. Тус журмын 2.16-д Төрийн сангийн газар манайхаас ирүүлсэн хүсэлт, жагсаалтын дагуу сар бүрийн 20-ноос өмнө хүүхдийн дансанд шилжүүлнэ. Харин иргэн сар бүрийн 20-ноос хойш хүлээн авна гэж заасан байдаг.
Хүүхдийн мөнгийг энэ сарын 20-ноос олгоно.
Бид хөл хорионы үед болон Наадмын амралтын урт өдрүүдийн өмнө тусгай зохицуулалт хийж сарын эхэнд буюу 7 дугаар сарын 9-нд олгосон. Одоо эргээд ердийн хугацаа буюу сар бүрийн 20-нд Хүүхдийн мөнгөний олголт хийнэ. Нэгэнт журам дурдсаных, Хүүхдийн мөнгийг барьцаалж зээл авах болон банкны зээлд суутгахыг хориглосон заалтыг шинээр оруулж өгсөн” гэв.
Холбоотой мэдээ
Монгол Улсын Ерөнхийлөгч У.Хүрэлсүх Бүгд Найрамдах Итали Улсад төрийн айлчлал хийхээр мордлоо
15 цаг
Засгийн газраас ирэх долоо хоногт Эдийн засгийн эрх чөлөөний тухай хуулийг УИХ-д өргөн барина
2 өдөр
