ХАСХОМ бүртгүүлж дуусахад 5 хоног үлдлээ

d.uransolongo@montsame.gov.mn

2022-02-10 13:44:04

Улаанбаатар /МОНЦАМЭ/. Албан тушаалтнуудын 2021 оны Хувийн ашиг сонирхлын болон хөрөнгө, орлогын мэдүүлэг (ХАСХОМ)-ийг бүртгэх, хүлээн авах үйл ажиллагааг АТГ-аас улсын хэмжээнд зохион байгуулж байна.

Төрийн болон төрийн өмчит хуулийн этгээд 1800 гаруй салбар байгууллагын 46.8 мянган албан тушаалтнаас өнөөдрийн байдлаар 85 орчим хувь нь мэдүүлгээ гаргаад байна. Мөн мэдүүлэг хүлээн авах хугацаа дуусахад 5 хоног үлдлээ.

Монгол Улсад бий болсон коронавирусний үеийн нөхцөл байдалтай зохицуулан албан тушаалтнаас өнгөрсөн оны ХАСХОМ-ийг шинэчлэн гаргуулах ажлыг эрчимжүүлэх чиглэлээр тус газраас уг мэдүүлгийг бүртгэх, хянах, хадгалах эрх бүхий албан тушаалтнууд болон мэдүүлэг гаргагч нарт онлайн сургалтыг тухай бүр зохион байгуулж, холбогдох албан тушаалтнуудад нэгдсэн заавар зөвлөмж өгч, арга зүйн удирдлагаар ханган ажиллаж байна.

Албан тушаалтнууд жил бүрийн 2 дугаар сарын 15-ны дотор АТГ-ын https://meduuleg.iaac.mn цахим хуудсаар дамжуулан мэдүүлгээ шинэчлэн гаргах үүрэгтэй тул хуулийн хугацаанд ХАСХОМ мэдүүлэхийг уриалж байна.

ХАСХОМ бүртгүүлж дуусахад 5 хоног үлдлээ

Холбоотой мэдээ

Голын сав газрын татмыг нарийвчлан судалжээ

Т.Аюурсайханыг Хөдөлмөр, нийгмийн хамгааллын сайдын үүрэгт ажлаас чөлөөлөв

"Хүнсний хувьсгал"-ын хүрээнд хүнс, хөдөө аж ахуйн тоног төхөөрөмжийг гаалийн татвараас чөлөөлөв

Эзэнгүй муур, нохойг тоолно

Хашаандаа мод, бут, сөөг таривал урамшуулна

Явган хүний 25 мянган ам метр замыг засаж шинэчилнэ

Нөөцийн махыг 431 дэлгүүрт борлуулж байна

У.Хүрэлсүх: Хүн тархиндаа ч, хөрсөндөө ч мод тарих учиртай. Энэ хоёр хоршиж байж бидний зорилт хэрэгжиж биелнэ

Гэр хорооллыг барилгажуулах төслийг 19 байршилд хэрэгжүүлж байна

бидэнтэй нэгдэх

Хандалт