Улаанбаатар
Их мастер Б.Мөнгөнтуул хоёр хожил, хоёр хожигдолтой боллоо
МОНГОЛЫН МЭДЭЭ | СПОРТ
Улаанбаатар, 2025 оны дөрөвдүгээр сарын 18 /МОНЦАМЭ/. Энэтхэгийн Пунад болж буй эмэгтэйчүүдийн гранпри тэмцээний дөрөв дэх өрөгт их мастер Б.Мөнгөтуул хожигдож, оноо алдлаа.
Дөрөв дэх өргийн мэдээллийг хүргэе. Энэ өрөгт тэмцээний тэргүүлэгч Хятадын Жу Жинер хөнгөхөн хожил авлаа. Ингэснээр тэрбээр 3.5 оноотой Пунагийн цувралыг итгэл төгс тэргүүлж байгаа бол Конеру, Дешмух нар 3.0 оноогоор нэхэж байна. Тэгвэл манай их мастер Б.Мөнгөнтуул дөрөв дэх өрөгт хожигдлоо. Түүний өрсөлдөгч нь казах гаралтай Болгарын их мастер Нургюль Салимова байв.
Салимова ихэнхдээ ашигладаг Каро-Канны хамгаалалтаар тоглолтыг эхлүүлсэн бол цагаан талаас Б.Мөнгөнтуул 2018 оноос хойш ашиглаагүй довтолгооны хувилбараа дахин хэрэглэжээ. Гэвч 32 дахь нүүдлээс гаргасан түүний хоёр ч алдаа давуу байдлаа алдахад хүргэж улмаар Салимова боломж олголгүй тоглолтыг дуусгасан байна. Тоглолтын талаар мэргэжилтнүүд ийн тайлбарлажээ.
“Самбар дээр өөр нэг Каро-Канн хамгаалалт. Салимова карьерынхаа ихэнх хугацаанд ийм хатуу нээлтийг хийж байсан тул өнөөдөр үдээс хойш гарч ирэхэд гайхсангүй. Гэсэн хэдий ч Мөнгөнтуул гэрийн бэлтгэлээс зайлсхийхийн тулд ердийн 2.Nc3 + 3.Nf3 тохиргоогоо зогсоож, Advance хувилбарыг буцааж авчирсан. Ердийнх шигээ Монголын номер нэг тамирчин загварлаг Nd2-b3 болон хурдан a4 төлөвлөгөөг сонгосон ч Салимова 10…g5 оноогоор хурдан хариу цохиж, хоёр тоглогч хэд хэдэн алдаа гарсны дараа байрлал эмх замбараагүй болов. Хоёр тоглогч хоёулаа хүнд байдалд орлоо. Эцэстээ Мөнгөнтуул давуу байдлаа алдаж, улмаар маш муу төгсгөл хийсэн бөгөөд энэ удаад Салимова түүнд боломж олгосонгүй. Тоглолтын дараа Салимова “Хэцүү байсан өөртөө итгэх итгэлээ алдаагүй. Энэ нь надад хожил авчирлаа” хэмээн ярьжээ.
Б.Мөнгөнтуул өнөөдөр 17:30 цагаас эмэгтэй дэлхийн чансааны Энэтхэгийн их мастер Рамешбабу Вайшалитай тоглоно.
