Улаанбаатар
Бүргэдчин охидын тоо нэмэгдэж байна
ОРОН НУТГИЙН МЭДЭЭ | БАЯН-ӨЛГИЙ
Баян-Өлгий /МОНЦАМЭ/. Баян-Өлгий аймгийн Алтай сумын Улаан хошуу хэмээх газарт "Алтан Алтайн бүргэд" тэмцээн энэ сарын 22-ны өдөр зохион байгуулагдлаа.
Тус тэмцээнд 30 гаруй бүргэдчин оролцож, бүргэдээ гаршуулан дасгасан болон ан агнахад сургасан байдлаараа өрсөлдөж, олон нийтэд сонирхуулжээ. Тэмцээнд Алтай сумын бүргэдчин Даркерийн Ром тэргүүлж, Сагсай сумын бүргэдчин Серикийн Женисбек 2 дугаар байрт шалгарсан байна. Харин 3,4,5 дугаар байрыг Амантайн Гүлгайым, Аскерийн Айгерим, Талапын Заманбал сурагч охид эзэлжээ.
2014 онд Н.Айшолпан охины тухай “The Eagle Huntress” гэх баримтат кино гарснаас хойш Баян-Өлгий аймагт бүргэдээр ан агнах охидын тоо олширчээ. Одоогоор Алтай, Алтанцөгц, Бугат, Сагсай, Толбо сумдад 10 гаруй охин бүргэдээр ан хийж, уралдаан тэмцээнүүдэд оролцох болсон байна.
Ө.Нурболат
