СЭЛЭНГЭ: Наадмын өдрүүдэд 30 градус давж хална
ОРОН НУТГИЙН МЭДЭЭ | СЭЛЭНГЭСүхбаатар,
2024 оны долоодугаар сарын 9 /МОНЦАМЭ/. Наадмын өдрүүдэд Сэлэнгэ аймгийн ихэнх
нутгаар 30 градус давж халж, дуу цахилгаантай, түр зуурын аадар бороо орно.
Өнөөдрийн 20:00 цаг хүртэлх цаг агаарын урьдчилсан мэдээгээр Сэлэнгэ аймгийн нутгаар солигдмол үүлтэй. Шөнөдөө нутгийн баруун хэсгээр, өдөртөө зарим газраар бага зэргийн дуу цахилгаантай бороо орно.
Салхи баруунаас
секундэд 5-10 метр. Агаарын температур шөнөдөө +14...+19 градус, өдөртөө
+31...+36 градус дулаан байна.
Сүхбаатар
хот орчмоор солигдмол үүлтэй. Бага зэргийн бороо орно. Дуу цахилгаантай. Салхи баруунаас секундэд 5-10 метр. Агаарын
температур шөнөдөө +16...+18 градус, өдөртөө +31...+33 градус дулаан байна.
7
дугаар сарын 10-14-нийг хүртэлх 5 хоногийн цаг агаарын урьдчилсан мэдээгээр 10-ны
шөнө нутгийн хойд хэсгээр, 11-нд зарим газраар, 12-нд ихэнх сумдын нутгаар дуу
цахилгаантай аадар бороо орно.
Бусад
хугацаанд бороо орохгүй. Салхи ихэнх хугацаанд баруунаас секундэд 5-10 метр
байна. Агаарын температур шөнөдөө +17...+22 градус, өдөртөө +30...+35 градус. 12-ны
өдрөөс +23...+28 дулаан байна.