Ulaanbaatar
“UFC” хувийн арал дээр тэмцээн явуулахыг зорьж байна
ДЭЛХИЙН МЭДЭЭ | СПОРТ
МОСКВА. /TASS/. Холимог тулааны “UFC” холбооны удирдлага тэмцээнээ ирэх 5 дугаар сард хувийн арал
дээр явуулахыг зорьж байна гэж “ESPN” телевиз
мэдээлжээ.
Өмнө нь “UFC” холбоо 3 дугаар сарын 21, 28 болон 4 дүгээр сарын 11, 18-нд явуулахаар товлоод байсан тэмцээнүүдээ коронавирусний цар тахлын улмаас цуцалсан юм. Дөрөвдүгээр сарын 18-нд Нью-Йоркт болох ёстой байсан Оросын тулаанч Хабиб Нурмагомедов, Америкийн тулаанч Тони Фергюсон нарын тулаан “UFC”-гийн онцлох тулаануудын нэг байсан. Гэсэн хэдий ч коронавирусний цар тахлын улмаас Х.Нурмагомедов тэмцээнд оролцохоос татгалзаж, түүний оронд Америкийн тулаанч Жастин Гейжи оролцохоор болсон байна.
Тавдугаар сарын 9-нд явуулахаар товлосон тэмцээнд оролцох тулаанчдын жагсаалтыг гаргаж байгаа тухай “UFC”-гийн
тэргүүн Дэйна Уайт мягмар гарагт мэдэгджээ. Тэмцээн эхлээд Бразилд болох ёстой
байсан хэдий ч халдварт өвчний нөхцөл байдалтай холбоотойгоор цуцлагдсан байна.
Тэмцээнийг Уайт “Тулаанчдын арал” хэмээн нэрлэсэн бөгөөд яг хаана явуулах гэж байгаа талаар тодорхой мэдээлэл өгөөгүй байна.
