Ulaanbaatar
“NBA”-ийн зарим тоглогч вакцинд хамрагдаагүй байна
ДЭЛХИЙН МЭДЭЭ | СПОРТ
ВАШИНГТОН. /Anadolu/. Хойд Америкийн Үндэсний сагсан бөмбөгийн холбооны /NBA/ 76 дахь улирал эхлэхэд гурван долоо хоногийн хугацаа
үлдээд буй энэ үед зарим тоглогч “COVID-19”-ийн вакцинд хамрагдаагүй байгаа нь маргаан дагуулах болжээ.
Одоогийн байдлаар нийт тамирчдын 90 хувь
нь вакцины ядаж нэг тунд хамрагджээ. Гэвч “Нью-Жерси Нетс” багийн хамгаалагч Кайри
Ирвинг тэргүүтэй тоглогчид вакцин хийлгээгүй байгаа талаар олон нийтийн хэвлэл
мэдээллийн хэрэгслүүд мэдээлж байна.
“NBA”-ийн тоглогчдод коронавирусний вакцинд заавал хамрагдах шаардлага тавиагүй ч Нью-Йорк, Сан-Франциско зэрэг хотод тоглолтод оролцохын тулд вакцин хийлгэсэн байх шаардлагатай юм.
“Голден Стэйт Уорриорз” багийн тоглогч Эндрю
Виггинсийн хувьд шашин шүтлэгтэй холбоотой шалтгаанаар вакцинд хамрагдахгүй
байх хүсэлт гаргасан ч “NBA” хүлээн авахаас татгалзжээ.
“NBA”-ийн мэдээлснээр, Э.Виггинс хотын засаг захиргаанаас тавьж буй вакцинжуулалтын
шаардлагыг биелүүлэхгүй бол багийнхаа талбайд тоглож чадахгүйд хүрнэ. Харин
Э.Виггинс өөрийн шийдвэрийг зөвтгөсөн мэдэгдлийг хожим нь хийжээ.
Үүнээс гадна “NBA”-ийн домогт тамирчин Карим Абдул-Жаббарын хувьд вакцинд хамрагдахаас
татгалзсан ажилтан, тоглогчдыг чөлөөлөх хэрэгтэй хэмээн мэдэгдсэн байна.
