Ulaanbaatar
Архангай аймагт коронавирусний тархалт улаан түвшинд хүрчээ
ОРОН НУТГИЙН МЭДЭЭ | АРХАНГАЙ
Архангай /МОНЦАМЭ/. Архангай аймагт сүүлийн 7 хоногийн хугацаанд нийт 590 шинжилгээ хийснээс 13.7 хувьд нь эерэг гарч өмнөх 7 хоногоос 6.1 хувиар өссөн байна.
Мөн сүүлийн 7 хоногт коронавируст халдварын нас баралт 1 бүртгэгдэн, нийт нас баралт 40 болжээ.
Коронавируст халдварын тархалтын үе шатны үнэлгээгээр:
/Аймгийн дүн: 2022.01.08-14/
Нийт батлагдсан тохиолдол - 13077
Сүүлийн 7 хоногт 1260 шинжилгээ хийснээс бүртгэгдсэн шинэ тохиолдол 167 болов.
Тархалтын түвшин өмнөх 7 хоногт шар байсан бол энэ 7 хоногт улаан түвшинд шилжжээ.
-5 сум улаан /хүн амын дунд халдвар өргөн тархсан/ түвшинд,
-4 сум улбар шар /хэсэг бүлэг хүн амын дунд халдвар тархсан/ түвшинд,
-5 сум шар /хүн амын дунд халдвар алаг цоог тархсан/ түвшинд,
-5 сум ногоон /хүн амын дунд 4 долоо хоногоос дээш хугацаанд халдвар бүртгэгдээгүй/ түвшинд байна.
Аймгийн дүнгээр улаан түвшинд буюу хүн амын дунд халдвар өргөн тархсан тухай мэдээг Архангайн амьдрал сонинд мэдээлжээ.
