Нөхөн сонгууль явуулах аймгийн Сонгуулийн хорооны бүтэц, бүрэлдэхүүнд өөрчлөлт оруулж батлав

gereltod@montsame.mn

2022-03-21 15:37:41

Архангай /МОНЦАМЭ/. Аймгийн ИТХ-ын ээлжит бус зургаадугаар хуралдаан боллоо. Хуралдаан нийт төлөөлөгчийн 51.2 хувийн ирцтэйгээр эхэллээ. МАН-ын бүлэг хуралдаанд оролцоогүй. Шалтгааныг бүлгийн дарга Б.Цэрэннадмидаас Архангайн амьдрал сонины сурвалжлагч асуухад дараах тайлбарыг өгсөн юм.

Тодруулбал, энэ оны эхнээс шинэчилсэн найруулгаар хэрэгжиж эхэлсэн Засаг захиргаа, нутаг дэвсгэрийн нэгж, түүний удирдлагын тухай хуулийг анхнаас нь зөв хэрэгжүүлж явах нь зүйтэй. Гэтэл энэ удаагийн хуралдааныг товлохоос эхлээд хууль бус үйл явц болсон. Эхлээд хурлыг 3-р сарын 16-нд цахимаар хийх захирамжийг ИТХ-ын дарга гаргасан. Зүй нь зөвлөл нь хурлын тов, хэлэлцэх асуудлын дарааллыг тогтоосны дараа хурлын дарга захирамжлах ёстой. Үүнийг бид засуулж, 3-р сарын 21-нд танхимаар хийхээр шийдвэрлүүлсэн. Тэгээд ч бүх хурал, зөвлөгөөнийг танхимаар хийх нь нээлттэй болчихоод байхад 100 хувь цахимаар зарласан нь буруу. Тэрчлэн хурлаар хэлэлцэх асуудлыг эхлээд хурлын хороогоор оруулж хэлэлцэх учиртай. Гэтэл сонгуулийн хороо байгуулах асуудлыг Нутгийн удирдлагын хороогоор хэлэлцүүлж, санал дүгнэлт гаргаагүй, мөн Сонгуулийн хуулиар сумын ИТХ нь нөхөн сонгуулийг товлон зарлаагүй байхад аймгийн ИТХ эрхэнд нь халдахаар асуудлыг оруулж хэлэлцүүлж байна. Ийм үндэслэлээр манай намын бүлгийн төлөөлөгчид хуралд оролцохгүй гэдгээ мэдэгдсэн юм. Бүлгийн төлөөлөгчид хуралд оролцож, хууль бус шийдвэр гаргахад оролцохгүй гэсэн тайлбарыг өгөв.

Хуралдаанаар нөхөн сонгууль явуулах аймгийн Сонгуулийн хороог байгуулах тухай, аймгийн 2022 оны газар зохион байгуулалтын төлөвлөгөөнд нэмэлт өөрчлөлт оруулах тухай, өмчийн тухай, тогтоол хүчингүй болгох зэрэг дөрвөн асуудлыг хэлэлцэж, баталсан.

Эхний асуудлыг хэлэлцэн аймгийн Сонгуулийн хорооны бүтэц, бүрэлдэхүүнд өөрчлөлт оруулж, даргаар нь аймгийн ЗДТГ-ын Төрийн захиргааны удирдлагын хэлтсийн дарга Ш.Гомбодоржийг томилж, баталлаа.

Дараагийн асуудал нь аймгийн 2022 оны газар зохион байгуулалтын төлөвлөгөөнд нэмэлт өөрчлөлт оруулах тухай байв. Үүнд дөрвөн байршилд газар олгох өөрчлөлт байлаа. Тухайлбал, 80 тн-ын хөргүүртэй зоорь барих газрыг Дашваанжил ШТС-ын урд, үйлдвэрийн бүсэд цогцолбор барих газар, Шүүхийн шинжилгээний албаны оффисын барилга барих газар, 5 сумын 5 багт эрчим хүчний үүсвэр нарны станцыг байгуулах газрыг шийдвэрлэх зэрэг байсан юм. Төлөөлөгчийн олонхын саналаар дээрх газруудыг баталлаа. 

Нөхөн сонгууль явуулах аймгийн Сонгуулийн хорооны бүтэц, бүрэлдэхүүнд өөрчлөлт оруулж батлав

関連ニュース

АРХАНГАЙ: Хөдөлмөр заслын олон улсын эрдмийн чуулган Архангайд боллоо

АРХАНГАЙ: "Хангайн тусгал" гэрэл зургийн үзэсгэлэнг нээлээ

АРХАНГАЙ: Боловсролын шилдэг байгууллагаар Төвшрүүлэх сумын цэцэрлэг шалгарлаа

АРХАНГАЙ: Хүүхэд хамгаалагчид 6000 гаруй өрхөөр зочилжээ

АРХАНГАЙ: Эрүүл мэндийн салбарын шилдгүүдийг шалгарууллаа

АРХАНГАЙ: Бөөрний дурангийн мэс заслыг орон нутагтаа хийж байна

АРХАНГАЙ: Хүүхдүүдэд амьтдыг ойроос харах боломжийг олголоо

АРХАНГАЙ: “Байгалийг ойроос" түр үзэсгэлэнд 85 дэсийн 91 ширхэг үзмэр дэлгэжээ

АРХАНГАЙ: Том малын хорогдол 98.6 хувиар буурчээ

フォローする

アクセス数