Ulaanbaatar
Сайд нарын нэрийг өргөн мэдүүлэв
МОНГОЛЫН МЭДЭЭЕрөнхий сайд Ч.Сайханбилэг УИХ-ын дэд дарга Р.Гончигдоржид орон гарсан зургаан сайдын нэрийг өргөн мэдүүлсэн талаар өнөөдөр мэдээлэл хийв.
Тэрбээр,Үндэн хуулийн 39.3, Засгийн газрын тухай хуулийн 23.1.1 дэх хэсэгт заасны дагуу Ерөнхий сайд миний бие өөрийнхөө бүрэн эрхийн хүрээнд Засгийн газрын орон гарсан зарим гишүүнийг нөхөн томилох саналаа УИХ-д өргөн мэдүүллээ.
Шадар сайдад УИХ-ын гишүүн Ц.Оюунбаатар, Сангийн сайдаар УИХ-ын гишүүн Б.Болор, БОНХАЖ-ын сайдаар УИХ-ын гишүүн Н.Батцэрэг нарын нэрийг дэвшүүлсэн. Мөн БХБ-ын сайдаар З.Баянсэлэнгэ, Зам тээврийн сайдаар М.Зоригт, Хөдөлмөрийн сайдаар Г.Баярсайхан нарын нэрийг өргөн барьсан.
АН-ын дүрмээр бол эрх баригч намын дарга нь Ерөнхий сайд байдаг. Одоогоор энэ хоёр албан тушаалыг хоёр өөр хүн хашиж байгаа. "Ерөнхий сайдын бүрэн эрхийн хүрээнд сайд нарын нэрийг өргөн мэдүүллээ. Намын дарга УИХ-ын чуулганаар хэлэлцэх үед дэмжиж ажиллана гэдэгт итгэж байна. Ирэх долоо хоногт УИХ-ын дарга ээлжит бус чуулган зарлана. Энэ үеэр Ерөнхийлөгчийн хоригоос гадна Засгийн газрын зарим сайдыг томилох асуудлыг хэлэлцэнэ” гэлээ.
Ч.Ариунболд
コメント