Сумын сайн малчдын шагналыг гардуулж эхэллээ
ОРОН НУТГИЙН МЭДЭЭ | СҮХБААТАРСүхбаатар аймгийн төв баруун-Урт сумаас Гал бичин жилийн босгон дээр 22 малчин “Сумын сайн малчин”-ы болзолыг биелүүлсэн. Хэдий зам харгуй хаалттай, цас ихтэй байгаа ч өнгөрсөн долоо хоногоос эхлэн сумын удирдлагууд малчдын шагналыг хотонд нь очин гардуулж эхэллээ.
Баруун-Урт сум нь 2015 оны мал тооллогоор 357,9 мянган толгой мал тоолуулсан. Мал сүргийнхээ тоогоор аймагтаа хоёрдугаар байранд, Монгол Улсын 330 сумаас зургаадугаар байранд бичигддэг. Тус сумын мал хөдөөгийн 8-р багтаа харьяалагддаг. Тэгвэл улсын хэмжээний нийт 5550 багаас Баруун-Урт сумын 8-р баг мал сүргийнхээ тоогоор улсад нэгдүгээр байранд бичигдэж байна.
Т. Одончимэг