"Эрэлт, нийлүүлэлтийн судалгаа" эхэллээ
ОРОН НУТГИЙН МЭДЭЭ | ГОВЬ-АЛТАЙГовь-Алтай /МОНЦАМЭ/ Говь-Алтай аймаг 2019 оныг ”Бүтээн байгуулалт-Ажлын байр нэмэгдүүлэх жил” болгон зарласантай холбогдуулан "Эрэлт, нийлүүлэлтийн судалгаа"-г аймгийнхаа хэмжээнд зохион байгуулахаар өнөөдөр эхлүүллээ.
Судалгааг тус аймгийн ЗДТГ, ХХҮГ Есөнбулаг сумын ЗДТГ, МСҮТ энэ сарын 10-30-ны өдөр зохион байгуулах ажээ. Судалгаанд ажил олгогч, ажилтан, хувиараа хөдөлмөр эрхлэгч, ажилгүй иргэн, оюутан залуучууд, ЕБС-ийн төгсөгчид нийт 6342 хүнийг хамруулах гэнэ.
”Бүтээн байгуулалт-Ажлын байр нэмэгдүүлэх жил”-ийн ажлын хүрээнд тус аймгийн хөдөлмөрийн зах зээлийн эрэлт, нийлүүлэлтэд судалгаа хийж, дунд хугацааны бодлогын баримт бичиг боловсруулах, эрэлтэд нийцсэн ажлын байр бий болгох зорилт дэвшүүлэн ажиллаж байгаа юм.