Цаг уурын гамшигт үзэгдлийн улмаас гурван мянга гаруй мал хорогджээ

Орон нутагт | Өмнөговь
mishigsuren@montsame.mn
2019-05-20 11:48:24

Өмнөговь /МОНЦАМЭ/ Өмнөговь аймагт болсон цаг уурын гамшигт үзэгдлийн улмаас гурван мянга гаруй мал хорогдсон байна. 

Энэ сарын 11-12-ны өдөр орсон их хэмжээний цас, цасан шуурганы улмаас дөрвөн хүн осгож амь насаа алдсан. Харин хохирлын хэмжээг тухайн үед гаргах боломжгүй байсан билээ. Тус аймгийн Онцгой байдлын газрын мэдээлж байгаагаар, Сэврэй суманд хамгийн олон буюу 900 гаруй мал хорогдсон байна. 12 суманд малын хорогдол гарсан бөгөөд 40 бод, 3248 бог, 683 төл хорогдсон урьдчилсан мэдээ ирүүлээд байгаа аж. Малын хорогдол их байгаа сумдад сэг зэм устгалын ажлыг яаралтай зохион байгуулах чиглэл өгсөн байна.