Олон улсын таеквондогийн тэмцээнд Дундговийн тамирчид амжилт гаргав

ОРОН НУТГИЙН МЭДЭЭ | ДУНДГОВЬ
altantogos888@gmail.com
2019-07-16 18:54:07
altantogos

Дундговь /МОНЦАМЭ/. БНСУ-д зохион байгуулж буй Kим Ун Ёны нэрэмжит Олон улсын А зэрэглэлийн олимпийн эрх олгох тэмцээнд Дундговийн таеквондогийн шигшээ багийн тамирчид амжилт гаргаж, тулааны болон хөгжимт поомси, аэробикийн (poomsi) төрөл тус бүрт  медалийн эзэд боллоо. 

2019 оны долоодугаар сарын 12-17-нд болсон Олон улсын энэхүү тэмцээний тулааны төрөлд О. Азбаяр хүрэл медаль, таеквондо аэробикийн төрөлд Ц. Гэрэлт-Од алтан медаль, А.Азхүү мөнгөн медаль, О. Азбаяр, Б. Доржсамбуу нар хүрэл медаль хүртсэн байна. Мөн хөгжимт поомси төрлөөс дөрвөн хүрэл мeдаль авлаа хэмээн аймгийн БСУСГ-аас мэдээллээ.

Шигшээ багийн тамирчдыг дасгалжуулагч багш Ц.Отгончулуун дасгалжуулж, аймгийн Засаг дарга О.Бат-Эрдэнэ, ИТХ-ын дарга С.Сүхбаатар, Биеийн тамир спортын газар, таeквондогийн "Мандуул" холбоо, тус холбооны удирдах зөвлөлийн гишүүн Цагдаагийн газрын дарга О.Амарсанаа, Тагнуулын газрын дарга Б.Энхтөр, ОБГ-ын дарга О.Адъяабаатар нар дэмжин ивээн тэтгэсэн ажээ. 


Холбоотой мэдээ