Улаанбаатар
“Эрдэнэт үйлдвэр” ТӨҮГ Булган аймагт хөрөнгө оруулалт хийнэ
ОРОН НУТГИЙН МЭДЭЭ | ОРХОН
Орхон/МОНЦАМЭ/. “Эрдэнэт үйлдвэр” ТӨҮГ-ын Ерөнхий захирал Х.Бадамсүрэн, Булган аймгийн Засаг дарга З.Батзориг нар 2019 онд хамтран ажиллах санамж бичигт гарын үсэг зурлаа.
Булган аймгийн нэгээхэн хэсэг болох “Эрдэнэтийн-Овоо”-ны орд газрыг эдийн засгийн эргэлтэд оруулсан 40 жилийн хугацаанд Эрдэнэт үйлдвэр Булган аймагтай хамтран ажилласаар ирсэн юм.
Тухайлбал, 2018 онд Булган аймгийн 80 жил, Эрдэнэт үйлдвэрийн 40 жилийн ой тохиосонтой холбогдуулан хамтын ажиллагаагаа өргөжүүлж, “Эрдэнэт үйлдвэр” ТӨҮГ түүхэндээ анх удаа нэг тэрбум төгрөгөөр Булганчуудын хөгжил дэвшил, хэтийн сайн сайханд хөрөнгө оруулалт хийсэн байдаг.
Энэ онд хамтын
ажиллагааны хүрээнд тусгасан 500 сая төгрөгийг Булган аймгийн удирдлагууд
боловсролын салбарт болон “Аваргуудын цогцолбор”-ын бүтээн байгуулалт, сумдын
нийгмийн хариуцлагын хүрээний тодорхой зорилтуудыг шийдвэрлэх, Монголын тусгаар
тогтнолын төлөө тууштай тэмцэгч Чин ван Ханддоржийн мэндэлсний 150 жилийн ойд
зориулахаар төлөвлөж байгаагаа уламжлав.
