Улаанбаатар
МУГЖ Г.Ариунбаатар Буриадад болох дуурийн наадамд уригджээ
МОНГОЛЫН МЭДЭЭ | СОЁЛ УРЛАГ
Улаанбаатар /МОНЦАМЭ/. Монгол Улсын гавьяат жүжигчин, “Чингис хаан” одонт Г.Ариунбаатар Г.Ц.Цыдынжаповын нэрэмжит Буриадын дуурь, бүжгийн академик театрт ирэх есдүгээр сарын 15-22-нд болох Л.Л.Линховины нэрэмжит дуурийн наадамд уригдсан байна.
Тус наадмыг Г.Ариунбаатарын багш, ОХУ-ын ардын жүжигчин Дарима Линховин 1990 оноос эхлэн зохион байгуулж байгаа аж.
Гурван жилд нэг удаа зохиогддог тус наадамд Монгол Улсаас гавьяат жүжигчин Г.Ариунбаатараас гадна дуучин Б.Гомбо-Очир уригдсан байна. Сингапурын дуучин Чиа Амос, Оросын дуучин Виталий Шевелов, Георгий Албегов нар дөрвөн дуурийг үзэгчдэд хүргэх юм.
