Хятадад шинэ коронавирусээр халдварласан хүний тоо нэмэгджээ

Дэлхийд | Эрүүл мэнд
khulan@montsame.gov.mn
2020-01-19 09:36:08

БЭЭЖИН. /SCMP/. Хятадын Хубэй мужийн Ухань хотод шинэ төрлийн коронавирусээр үүсгэгдсэн уушгины хатгалгаа өвчний тохиолдлын тоо нэмэгдэж 62 хүрсэн талаар тус хотын Эрүүл мэндийн газрын удирдлагууд ням гарагт мэдээлжээ.


Уушгины хатгалгааны тархалтын төв болох Ухань хотын Эрүүл мэндийн газрын мэдэгдэлд дурдсанаар, уг халдварын 17 тохиолдол нэмж бүртгэгдсэнээр 62 болсон аж. Халдвар авсан хүмүүсээс 2 хүн нас барж, 8 хүний биеийн байдал хүнд байгаа бол 19 хүн эмчлэгдэж, эмнэлгээс гарсан байна.


Үүний зэрэгцээ Шэньжэнь, Шанхайд 3 сэжигтэй тохиолдол бүртгэгдсэн гэж уг мэдээлэлд ойр эх сурвалжууд мэдээлжээ. Хэрэв эдгээр тохиолдол нь шинэ коронавирусээр үүсгэгдсэн нь тогтоогдвол Хятадад Уханиас өөр хотод бүртгэгдсэн анхны тохиолдлууд болох аж. Мөн Ухань хотоос Тайландад очсон 2 жуулчнаас, Японд ажилладаг Хятадын иргэнээс /Ухань хотод очсон/ коронавирусний халдвар илэрчээ.

Холбоотой мэдээ