Алтан төлийн эздэд шагналыг гардууллаа

Орон нутагт | Өвөрхангай
batchimeg@montsame.mn
2020-05-13 14:09:30

Өвөрхангай /МОНЦАМЭ/. МҮОНР-гоос ХХААХҮЯ-тай хамтарч жил бүр “Алтан төлийн эзэд”-ийг шалгаруулдаг уламжлалтай. Энэ жил Өвөрхангай аймгаас 6 малчин өрх энэхүү эрхэм хүндтэй шагналын эзэд боллоо.

Бүрд сумын 2 дугаар багийн малчин М.Ганзориг, Ё.Даариймаа нар “Алтан хурганы эзэн”, Богд сумын 5 дугаар багийн малчин Д.Баасансүрэн, Ц.Хишигжаргал, Баруунбаян-Улаан сумын 3 дугаар багийн малчин Л.Төрбат, Ц.Цэцэгбадам, Баян-Өндөр сумын 4 дүгээр багийн малчин Ц.Нэмэх, Ш.Сүнжидмаа “Алтан ишигний эзэн”-ээр тус тус тодорчээ.

Эрүүл мэндийн яам, Улсын Онцгой комиссоос өгсөн чиглэл, зөвлөмжийн хүрээнд малчдын шагналыг өнөөдөр аймгийн Нутгийн удирдлагын ордны “Сүлд” танхимд гардуулан өглөө.

Холбоотой мэдээ