Зүүнговь сумаас “Алтан хурганы эзэн” тодорлоо

ОРОН НУТГИЙН МЭДЭЭ | УВС
batkhuu@montsame.mn
2020-05-19 15:04:18

Увс /МОНЦАМЭ/. МҮОНР-гоос ХХААХҮЯ-тай хамтарч жил бүр “Алтан төлийн эзэд”-ийг шалгаруулдаг уламжлалтай. Энэ жил Зүүнговь сумын Өгөөмөр багийн малчин А.Нямсамбуу энэхүү уралдаанд шалгарч “Алтан хурганы эзэн” болсон байна.

Түүний шагналыг БОАЖ-ын сайд Н.Цэрэнбат болон аймаг, сумын удирдлагууд өнгөрсөн долоо хоногт гардуулж, ажлын өндөр амжилт хүслээ.

А.Нямсамбуу нь 1974 оноос хойш эцэг эхийгээ дагаж мал малласан бөгөөд энэ жил хамгийн олон төл хүлээн авч, бойжуулсан байна. Тэрбээр нутаг орондоо залуу малчдыг бэлтгэхэд анхаарч ажилладгаас гадна малынхаа ашиг шимийг боловсруулж зах зээлд нийлүүлэн, өрхийн үйлдвэрлэлээрээ сумандаа толгой цохидог байна.

Тэрчлэн, “Алтан хурганы эзэн” маань 1986 онд БНМАУ-ын Залуу аварга малчин, эмнэг сургалтын спортын мастер зэрэг шагналаар шагнуулж байжээ.

 

Холбоотой мэдээ