Сонгуулийн хэсгийн хороодыг байгуулав
ОРОН НУТГИЙН МЭДЭЭ | УВСУвс /МОНЦАМЭ/. Аймаг, нийслэл, сум, дүүргийн Иргэдийн төлөөлөгчдийн хурлын сонгуулийг орон нутагт зохион байгуулах хэсгийн хороодыг байгуулж дууслаа.
Аймгийн төвийн сонгуулийн хороо 7, сумдын сонгуулийн хороог 5 хүний
бүрэлдэхүүнтэй байгуулсан байна. Харин сумдын хэсгийн хороодыг 601-ээс дээш
сонгогчтой бол 9, түүнээс доош сонгогчтой бол 7 хүний бүрэлдэхүүнтэйгээр өнгөрсөн
8-р сарын 31-ний өдрөөр тасалбар болгон байгуулжээ.
Увс аймгийн хувьд орон нутгийн сонгуульд 4 нам болон 29
бие даагч оролцохоор мөрийн хөтөлбөрөө боловсруулан аймгийн Аудитын газарт
хүргүүлсэн байна. Мөн бие даан нэр дэвшигчид 201-ээс дээш хүн дэмжсэн гарын
үсэг цуглуулах ажилдаа өнөөдрөөс эхлэн оржээ. Нэр дэвшигчид энэ сарын 6-ны
дотор тодорч дуусах аж.