Улаанбаатар
Аймгийн ИТХ-ын 8 дахь удаагийн сонгуулийн анхдугаар хуралдааны товыг тогтлоо
ОРОН НУТГИЙН МЭДЭЭ | ДАРХАН-УУЛ
Дархан-Уул /МОНЦАМЭ/. Аймгийн ИТХ-ын Тэргүүлэгчдийн хурал
өнөөдөр хуралдаж, аймгийн ИТХ-ын 8 дахь удаагийн сонгуулийн анхдугаар
хуралдааныг энэ сарын 30-ны өдөр хуралдуулахаар товлон зарлалаа.
Хуралдаанаар аймгийн “Аймгийн
Иргэдийн Төлөөлөгчдийн Хурлын Сонгуулийн дүнгийн тухай болон Төлөөлөгчдийн
бүрэн эрхийг зөвшөөрөх тухай”, “Аймгийн ИТХ-ын дарга сонгож, батлах”, “Аймгийн
ИТХ-ын Тэргүүлэгчдийг сонгож, батлах”, “Аймгийн Засаг даргад нэр дэвшүүлэх”
тухай асуудлуудыг тус тус хэлэлцүүлэхээр тогтжээ.
Мөн Тэргүүлэгчдийн хурлаар “Монгол
Улсын цол, одон медальд уламжлах тухай” асуудлыг хэлэлцсэн бөгөөд Дархан сумын
3 дугаар багийн ахмад настан Л.Балданг Монгол Улсын Төрийн дээд шагнал
“Хөдөлмөрийн баатар” цолоор, Дархан сумын 9 дүгээр багийн ахмад настан
С.Энэбиш, “Монгол алтан тос” ХХК-ийн ерөнхий инженер М.Гомбо нарыг “Аж
үйлдвэрийн гавьяат ажилтан” цолоор тус тус шагнуулахаар тодорхойлсон хамт олны
болон дээд байгууллагын саналыг дэмжин Монгол Улсын Ерөнхийлөгчид уламжиллаа.
