Зэсийн үнэ 2011 оноос хойших хамгийн дээд үзүүлэлтээ давлаа

ДЭЛХИЙН МЭДЭЭ | ЭДИЙН ЗАСАГ
ayanzaya@montsame.gov.mn
2021-04-26 14:34:44

ЛОНДОН. /РИА Новости/. Долларын ханш суларч, Чилийн нийлүүлэлттэй холбоотой болгоомжлолын улмаас зэсийн үнэ даваа гарагт өсөж, 2011 оноос хойших хамгийн дээд үзүүлэлтээ шинэчилжээ.


“Comex” бирж дээр зэсийн долдугаар сард нийлүүлэх фьючерс хэлцлийн үнэ 0.94 хувиар өсөж, нэг фунт нь /0.45 орчим кг/ 4.38 ам.доллар болсон байна. Энэ нь 2011 оноос хойших хамгийн дээд үзүүлэлт бөгөөд тухайн үед Лондоны металлын бирж дээр нэг тонн зэсийн үнэ 10 190 ам.долларт хүрч байжээ.


Лондоны биржийн баасан гаргийн арилжаа дуусахад гурван сарын дараа нийлүүлэх нэг тонн зэсийн үнэ 1.6 хувиар өсөж, 9551.5 ам.доллар болсон бол хөнгөн цагаан 0.06 хувиар өсөж, 2364.5 ам.долларт, цайрын үнэ нэг тонн нь 2852 ам.долларт хүрч, 1.05 хувиар өссөн байна.


Долларын индекс 0.17 хувиар буурч, 90.7 пункт болжээ. Үүнээс гадна худалдаа эрхлэгчид Чилийн нөхцөл байдалд анхаарлаа хандуулж байна. Дэлхийн зэсийн нийлүүлэлтийн дөрөвний нэг орчим хувийг эзэлдэг тус улсын боомтын ажилтнууд ажил хаяхыг уриалсан тухай “CBA”-н шинжээчид мэдэгджээ.

Холбоотой мэдээ