Шинээр халдварын 737 тохиолдол илэрч, 11 хүн нас баржээ

Монголын мэдээ | Эрүүл мэнд
bolor@montsame.mn
2021-05-07 11:02:54

Улаанбаатар /МОНЦАМЭ/. Улсын хэмжээнд сүүлийн 24 цагийн хугацаанд хийсэн шинжилгээгээр 737 хүнээс коронавирус илэрчээ. Энэ нь 4 дүгээр сарын 17-ноос хойших хамгийн бага үзүүлэлт юм. 


Шинээр батлагдсан тохиолдлуудын 734 нь дотоодод бүртгэгджээ. Үүний 681 нь нийслэлд, 53 нь орон нутагт бүртгэгдсэн бол эмнэлгээс шалтгаалах гурван тохиолдол батлагджээ.


Өнөөдрийн байдлаар, манай улсад “COVID-19” халдварын тохиолдлын тоо  43 201 болж байна. Сүүлийн 24 цагт 1291 хүн эмнэлэг болон тусгаарлалтаас гарчээ. Ингэснээр нийт 28 533 хүн эдгэрээд байна.   


Түүнчлэн коронавируст халдварын улмаас 11 хүн өчигдөр нас баржээ. Ингэснээр манай улсад коронавируст халдвараар 153 хүн эндээд байна.


Одоогоор коронавируст халдварын улмаас  4888 хүн эмнэлэгт хэвтэн эмчлүүлж байгаагаас 125 хүний биеийн байдал маш хүнд байна. Эмчлүүлж буй хүмүүсийн 1484 нь хүндэвтэр, 475 нь хүнд, 2804 нь хөнгөн хэмээн оношлогджээ.


Холбоотой мэдээ