Улаанбаатар
Н.Беннетт бага насны хүүхдүүдийг вакцинжуулахтай холбоотой судалгаагаа түргэвчлэхийг уриалжээ
ДЭЛХИЙН МЭДЭЭ | УЛС ТӨР
ЙЕРУСАЛИМ. /The Times of Israel/. Израилын Ерөнхий сайд Нафтали Беннетт “Pfizer” компанийн гүйцэтгэх захирал Альберт
Бурлагаас коронавирусний вакциндаа 12-оос доош насны хүүхдүүдийг хамруулахтай холбоотой зөвшөөрөл авах үйл ажиллагаагаа түргэвчлэхийг хүсжээ.
Талууд пүрэв
гарагт утсаар ярих үеэр А.Бурла, “Хүүхдүүдийг вакцинжуулахтай холбоотой
судалгааг ихээхэн ач холбогдолтой гэж үзэж буйгаа илэрхийлээд, манай
мэргэжилтнүүд судалгааны үйл явцыг түргэвчлэхийн тулд чадах бүхнээ хийж байна”
хэмээн хэлснийг Н.Беннеттийн ажлын албанаас уламжилжээ.
Н.Беннетт,
А.Бурла нар мөн Израилд 60-аас дээш насны хүмүүст гурав дахь тун вакциныг тарьж
буй талаар хэлэлцжээ. Энэ сарын эхээр Израил нь “Pfizer”-ийн вакцины гурав дахь тунг тариулахыг 60-аас
дээш насны иргэддээ санал болгосон дэлхийн анхны улс болсон юм.
Нийт есөн гаруй
хүн амтай тус улсын хүн амын 58 орчим хувь нь вакцинд бүрэн хамрагдсаны дийлэнх
нь “Pfizer”-ийн вакцин
хийлгэсэн байна. Улсын хэмжээнд сүүлийн 24 цагийн хугацаанд халдварын 5946
тохиолдол илэрч, 421 хүний биеийн байдал хүнд байна гэж тус улсын Эрүүл мэндийн
яам пүрэв гарагт мэдээлжээ.
Израилын Засгийн
газрын хувьд вакцинжуулалтын түвшин нэмэгдсэнээр дахин хөл хорио тогтоохоос
зайлсхийхэд хувь нэмрээ оруулна хэмээн найдаж буйгаа илэрхийлсээр ирсэн юм.
