Сүүлийн 24 цагийн байдлаар нэмэлт тунд 277 иргэн хамрагджээ

Орон нутагт | Төв
tuv@montsame.mn
2021-11-24 17:21:45

Төв /МОНЦАМЭ/ Төв аймгийн хэмжээнд сүүлийн 24 цагт шинээр 133 тохиолдол бүртгэгдэж, нийт батлагдсан тохиолдол 15117 боллоо. Үүнээс Баянчандмань суманд 57, Зуунмодод 23Баянцагаанд 10, Баянд 8, Жаргалантад 8, Эрдэнэд 7, Баянцогтод 5, Мөнгөнморьтод 3, Эрдэнэсантад 3, Цээлд 3, Борнуурт 2, Баянхангайд 1, Заамарт 1, Өндөрширээтэд 1, Угтаалцайдамд 1 тохиолдол батлагджээ.

Орон нутагт 15850 өвчтөн эмчилгээнд хамрагдсанаас 15305 нь эдгэрчээ. Халдвар аймгийн хэмжээнд тархсанаас хойш тус өвчний хүндрэлээр нийт 55 өвчтөн нас барсан байна. 

Өнөөдрийн байдлаар аймгийн хэмжээнд 490 иргэн эмчлүүлж байгаагаас 155 насанд хүрэгч, 15 жирэмсэн эх, 19 нь хүүхэд байна. Гэрийн эмчилгээнд 190 насанд хүрэгч, 111 хүүхэд байна.

Өнөөдрийн байдлаар тусгаарлалтын байранд өвчтөн байхгүй бөгөөд 19 иргэнийг хяналтад авч, 144 иргэн хяналтаас гарч, 824 иргэн гэрийн ажиглалт, тусгаарлалтад байна.

Вакцинд хамрагдалт аймгийн хэмжээнд эхний тунд 59771, 2 дахь тунд  57111, 3 дахь тунд 12039 иргэн тус тус хамрагдаж, нийт дархлаажуулалтад хамрагдсан иргэдийн тоо 128921 боллоо.

 

Холбоотой мэдээ