Улаанбаатар
Шилдэг старт ап-аар ханын зургийг "AR" технологиор хөгжүүлэх төсөл шалгарлаа
МОНГОЛЫН МЭДЭЭ | ЭДИЙН ЗАСАГ
Улаанбаатар /МОНЦАМЭ/. Залуучуудын хөдөлмөр эрхлэлтийг дэмжих хөтөлбөрийн хүрээнд нийслэлийн 9 дүүрэг, 21 аймагт хэрэгжсэн Залуучуудын гарааны бизнесийг дэмжих хөтөлбөрийн шилдэг 10 багийн нэмэлт санхүүжилтийн дэмжлэг олгох 2021 оны улсын уралдаан амжилттай боллоо.
Улсын аваргын
шалгаруулалтад Баянгол дүүргийн 4, Баянзүрх дүүргийн 2, Хан-Уул дүүргийн 1,
Дархан-Уул аймгийн 1, Дундговь аймгийн 1, Өвөрхангай аймгийн 1 баг өрсөлдсөн
юм.
Улсын шилдэг Старт-Ап
шалгаруулах уралдааны шүүгчээр УИХ-ын гишүүн Х.Ганхуяг, УИХ-ын гишүүн
Х.Булгантуяа, УИХ-ын гишүүн Г.Амартүвшин, Хөдөлмөр, нийгмийн хамгааллын сайд
А.Ариунзаяа, СЭЗИС профессор Г.Батхуяг, Дриймерс нэгдлийн УЗ-ийн дарга
Ж.Золзаяа нар ажиллаж, шүүгчдийн нийлбэр оноогоор шилдэг багуудыг тодруулсан юм.
1 дүгээр байрт "ART
rect" баг Ханын зургийг AR технологиор баяжуулан хөгжүүлэх төслөөр,
2 дугаар байрт
"Хурын шим" баг Монгол саримс үр үржүүлгийн төслөөр,
3 дугаар байрт "Хөрсгүй тариалалт" баг Хөрсгүй тариалалтын гурвалсан технологийн төслөөр тус тус шалгарлаа.
