Баруун-Урт суманд халдварын тархалт дахин эрчимжиж эхэллээ

ОРОН НУТАГТ | Сүхбаатар
odonchimeg@montsame.mn
2022-01-13 16:01:30

Сүхбаатар /МОНЦАМЭ/. Долоон суманд халдварын 106 тохиолдол сүүлийн 24 цагт шинээр бүртгэгдлээ. Тодруулбал, Баруун-Урт 80, Мөнххаан 20, Түмэнцогт хоёр, Асгат,Баяндэлгэр, Онгон, Халзан суманд тус бүр нэг тохиолдол батлагджээ. Халдварын тархалт Баруун-Урт суманд хамгийн өндөр буюу халдварын тархалт эрчимжиж байна гэж аймгийн ЭМГ-аас мэдээллээ.

Одоогоор ЭМБ-д 85 иргэн хэвтэн эмчлүүлж байгаагаас жирэмсэн эмэгтэй 10, хүүхэд 13 байна. Биеийн байдлын хувьд хүндэвтэр 35, хүнд хоёр иргэн байна. Өөрөөр хэлбэл халдварын тоо ихсэх тусам хэвтэн эмчлүүлэгсдийн болоод хүнд, хүндэвтэр иргэдийн тоо нэмэгдсээр байна. Харин гэрийн эмчилгээнд 284 иргэн байна.

Иймд иргэдийг халдвар хамгааллын дэглэмээ баримтлан, олон нийтийн газраар явахгүй байх, амны хаалтаа тогтмол зүүж, хүн хоорондын зайгаа баримтлахыг дахин сануулав. Учир нь орон нутгийн иргэд хэт тайвширсан, хайнга байдалд байгаа юм.

Холбоотой мэдээ